በአዱስ አበባ የሚገኙ ታሪካዊ፣ ባህላዊና ተፈጥሮአዊ ቅርሶችን ለማወቅና ለመጐብኘት ከፈለጉ በከተማዋ ከሚገኙ ሙዚየሞች ጐራ ካሉ እጅግ ቀልጣፋና አስደሳች መስተንግዶ ያገኛሉ፡፡ በመሆኑም ማንኛውም ቱሪስት ሆነ ከተማዋን ለመጐብኘት የሚፈልግ ግለሰብ ስለከተማዋ የቱሪስት መስህቦች መረጃ /ግንዛቤ ከዚህ የመረጃ መረብ ሊያገኝ ይችላል፡፡

በአዲስ አበባ የተሌዩ የዕፅዋትና አእዋፍ ዝርዎች የሚገኑባቸው፣ ጎብኚዎች አረፍ ብለው ነፋሻ አየር እየተመገቡ የአእዋፋትንና የወራጅ ውሃ ድምፅ እየሰሙ፣ አይናቸውን በተለያየ ቀለም የደመቁ ለምለም ዕፅዋት ላይ አሳርፈው መንፈሳቸውን የሚድሱባቸው ፓርኮች ይገናሉ፡፡

በአዲስ አበባ የጎብኚዎችን ዓይን የሚስቡ የተለያዩ ክብረ በዓላት ይካሄዳሉ፡፡ እነዚህ መስህብ የሆኑ በዓላት ከኃይማኖት ጋር የተገናኙ ሲሆኑ ሁሉም በዓመት አንድ ጊዜ ነው የሚከበሩት፡፡ ከነዚህም ውስጥ የመስቀል፣ የጥምቀት፣ የገና፣ የአረፋና የመውሊድ በዓላት ዋነኞቹ ናቸው፡፡

በአፍሪካ ትልቁ የሜዳ ላይ ገበያ የሚገኘው በኢትዮጵያ ውስጥ በአዲስ አበባ ከተማ ነው፡፡ ይኸው በ113.6 ሄክታር ቦታ ላይ የተንጣለለው ገበያ በውስጡ የየራሳቸው ስያሜ፣ ታሪክና የንግድ እንቅስቃሴ ያላቸው ስፍራዎችን ይዟል፡፡